ILOILO CITY–Indi nagakadapat nga kabigon ang mg kabataan nga kriminal.
Ini ang nangin pahayag ni Christopher Montaño, taghambal sang Commission on Human Rights (CHR) matapos nga ginpanubo sa 9 anyos ang edad sang criminal liability.
Sa interview sng Bombo Radyo kay Montaño, iya ginpahayag nga nagapanindugan ang CHR nga indi sila pabor sa pagpanubo sang edad sang mga kabataan nga mahimo na nga mapreso.
Suno kay Montaño, batok sa kinamatarong sang mga kabataan ang pagpasar sang Kamara sa hagna nga maganubo sa siyam ka tuig ang edad sang mahimo nga mapreso kun maghimo ini sang krimen.
Dugang pa ni Montaño, wala sang sala ang mga kabataan sa baylo biktima lamang ang mga ini sang sosyudad kag sirkumstansya.
Nagakadapat nga naga-umpisa sa mga ginikanan ang maayo nga buluhaton kag indi dapat pagbasulon ang mga kabataan.
Nagapati man ang CHR nga wala sang bata nga “Child in Conflict with the law”.