ILOILO CITY–Gin-athag ni Police Superintendent Joem Malong, tagpamaba sang Police Regional Office (PRO) 6, nga indi matuod nga siya ang nagpalapta sang impormasyon nga may yara sang presensya sang Islamic State of Iraq and Syria (ISIS) diri sa syudad sang Iloilo.
Sa interview sang Bombo Radyo kay Malong, iya ginpahayag nga indi matuod ang impormasyon nga siya ang source sang impormasyon nga may yara sang presensya sang ISIS sa syudad sang Iloilo kag may yara sang patigayunon nga pagpamomba nga patigayunon.
Sa pagpaathag ni Malong, indi niya mahimo nga magpalapta sang sala nga impormasyon bangud nga siya ang Public Information Officer (PIO) sang PRO-6.
Ginapakamalaot ni Malong ang mga nagagamit sang iya pangalan agud nga magtuga sang kakugmat sa publiko.
Bangud sini, panugyan ni Malong, indi gilayon magpati sa mga  impormasyon nga nagalapta sa social media kag sa text messages kun indi pa makabig nga verified.