ILOILO CITY–Nagpasalig ang Muslim community sa Western Visayas nga magabulig sa Philippine nataional Police (PNP) agud nga matapna anga terorismo.
Ini ang ginkasugtan sa ginpatigayon nga pagsinapol sang Police Regional Office (PRO) 6 kag sang United Muslim Federation of Western Visayas may kaangtanan sa ginapahayag presensya sang Islamic State of Iraq and Syria (ISIS) sa syudad sang Iloilo.
Sa interview sang Bombo Radyo kay Police Superintendent Joem Malong, tagpamaba sang PRO-6, iya ginpahayag nga   ginpasalig sang Muslim community nga magabulig sa information dissemination ilabi na sa mga makaduluda nga tawo ukon butang nga makita sa palibot sang syudad.
Ginpahayag dugang ni Malong nga pila ka security issues ang gin-istoryahan sa pagsinapol ilabi pa nga bago lang natabo ang asud-asud nga pagpamomba sa Mindanao.
Magluwas sa Muslim community, sapulon man sang PRO-6 ang iban pa nga religious sectors tuhoy sa nasambit nga isyu.
Ang nasambit nga tikang sang PRO-6 suno kay Malong ang tuman ka malahalon agud nga mapadasig ang information dessimination kag ang pagbuligay sang religious groups kag sang PNP.