ILOILO CITY–Mapaanggid sa international event ang seguridad nga igapatuman sa kapiyestahan ni Nuestra Señora de la Candelaria subong nga adlaw, Pebrero 2.
Sa interview sang Bombo Radyo kay Police Senior Superintendent Martin Defensor Jr.,  director sang Iloilo City Police Office (ICPO), iya ginpahayag nga lubos ang iya pagpangayo sang pasaylo sa publiko bangud sa huol nga mahimo ituga sang ipatuman nga security measures.
Ini bangud nga istrikto nga ipatuman ang security kag traffic plan agud nga mapasiguro nga hilway sa anu man nga kalakasan ang tanan deboto nga magapadulong sa Jaro Cathedral.
Bisan nga wala sang Very Important Person (VIP) nga ginapaabot sa kapiyestahan apang linibo naman ka mga deboto ang ginapaabot nga magadagsa high mass kag gradn procession.
Lakip sa mga igapatuman nga pagsulundan amo nga ginadumili-an ang pagdala sang backpack kag daku nga bag, ginadumili-an ang mga salakyan nga makasulod sa palibot sang Jaro Plaza kag igapaidalom gid sa frisking ukon rikisa ang tanan nga magasulod sa Jaro Cathedral.