ILOILO CITY–Patay ang isa ka lalaki matapos nga maaksidente sa ginamaneho nga motorskilo sa Brgy. Gines, Lambunao, Iloilo.
Sa interview sang Bombo Radyo kay PO3 Marvin Sison, traffic investigator sang Lambunao Municipal Police Station, iya ginpahayag nga papauli na kuntani sakay sang iya nga motorsiklo halin sa banwa sang Calinog, Iloilo ang biktima nga ginkilala kay Leo Lebero 56-anyos kag sang Poblacion Ilawod, Lambunao, Iloilo sang nakabunggo sa nasumalang nga isa pa ka motorsiklo nga ginamaneho ni Leonilo Latorre 56-anyos sang Brgy. Maribong, Lambunao, Ioilo.
Sunu kay Sison, patal nga pilas sa ulo kag sa iban pa nga bahin sang lawas ang naangkon sang biktima nga gilayon nga ginbawian sang kabuhi.
Nahibaluan nga ginpadulong man sa ospital si Latorre agud nga madapatan sang nagakaigo nga pagbulong matapos nga makaangkon sang madamo nga pilas sa iya nga lawas.