Patay ang isa ka driver matapos nahulog ang ginamaneho nga grader sa 100 ka tapak nga pil-as sa Garangan Calinog Iloilo.
Ang biktima amo si Felicibar Maquinto 53, may asawa residente sang Banban Grande Calinog Iloilo kag empleyado sang Local Government (LGU) sa Calinog, Iloilo.
Sa exclusive interview sang Bombo Radyo kay PO3 Vincent Gascon, imbestigador sang Calinog Municipal Police Station, iya ginpahayag nga nagikan sa ginapatindog nga Jalaur River Multipurpose Project Stage II ang biktima.
Suno pa kay Gascon, pabalik na kuntani sa town proper si Maquinto sang nadulaan sang kontrol sa manibela ang ginamaneho nga grader rason nga nahulog ini sa pil-as..
Dugang pa sang imbestigador, naglumpat ang biktima nagikan sa ginamaneho nga grader apang nakatupa ini sa buka nga mga bato nga gintunaan sang iya kamatayon.
