Nagapadayun sa gihapon ang imbestigasyon sang Mandurriao Police Station sa pagluthang-patay sang riding in tandem kay anay Punong Barangay kag subong Barangay Kagawad Joel Obregon sang Pali Benedicto Mandurriao Iloilo City.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga wala pa nakilala ang mga suspek bangud ang mga closed circuit television (CCTV) sa barangay ang indi klaro.
Suno kay Valencia, padayun man nila gina-trace ang gin-agyan sang mga suspek kag kun may yara pa sang iban pa nga CCTV nga nakakuha sang footage sang mga suspek.
Tubtob subong nagamonitor man sila sang posible witness sa barangay nga mahimo nakakita sa insidente bangud sa subong wala pa sang may makahambal tuhoy sa natabo.
Samtang ginpahayag man ni Valencia nga santo sa nadesisyunan sang pamilya, indi na nila pagdayunon pa ang pagpatigayun sang autops sa bangkay sang anay punong barangay.
