Nagdangat sa 26 ang patay bangud sa Dengue sa Western Visayas sa 1st quarter sang 2019.
Suno kay Dr. Jesse Glen Alonsabe Regional Epidemiologist ng Department of Health (DOH) 6, iya ginpahayag nga sa nasambit nga data, 14 ang narekord sa Negros Occidental, tatlo sa Aklan, tatlo sa Probinsya sang Iloilo, tatlo sa syudad sang iloilo, tatlo sa Capiz kag isa sa Bacolod City.
Pahayag pa ni Alonsabe, nagdangat na sa 4,347 ang dengue cases sa Western Visayas kun sa diin mas mataas ini sang 142% kun ipaangid sa 1,794 ka kaso sa 1st quarter sang 2018.
Halos nagdoble naman ang mortality rate humalin sang Enero tubtob Marso sini nga tuig kun ipaanggid sa numero sang mga nagkalamatay bangud sa dengue sadtong 2018 sa kapareho nga bulan kun sa diin nagdangat lang ini sa 11.
Sa mga lugar sa Western Visayas, ang tatlo ka mga lugar nga may pinakamataas nga numero sang nabiktima sang Dengue ang narekord sa Guimaras nga nagdangat sa 738%, ginsundan sang Negros Occidentel nga nagdangat sa 985 kag Antique nga may 21%.
