• Photo from ICPO

ILOILO CITY–Masobra sa isa ka gatos nga pamatan-on ang nagtambong sa paglunsyar sang Kabataan Kontra Droga at Terorismo (KKDAT) Kabataang Bayani, Bagong Bayani sang Iloilo City Police Office (ICPO).

Mismo si ICPO Director Police Colonel Martin Defensor Jr. ang nagpanguna sa nasambit nga aktibidad nga ginpatigayon sa Diamond Jubilee Hall sa syudad sang Iloilo.

Kabahin sa mga nagserbe nga resource speaker amo sanday Police Major Nazer Canja, Deputy Chief sang Regional Police Community Relations Division sang Police Regional Office (PRO) 6 kag David Garcia, tagpamaba sang Philippine Drug Enforcement Agency (PDEA) Region 6.

Katuyu-an sang nasambit nga aktibidad amo nga mapahangop sa mga kabataan nga mangin responsable kag mapahilayo sa bisyo kag mala-in nga buluhaton.