ILOILO CITY – Pilason ang isa ka katapo sang rainbow ladies nga supporter ni Iloilo City Mayor Jose Espinosa III, matapos makabunggo sa isa pa gid ka motorsiklo sa Mapa St, Iloilo City.
Ang biktima amo si Imelda Wenda, 37 anyos sang Brgy. Nabitasan, Lapaz, Iloilo City.
Ginapahayag nga halin sa isa ka induction ceremony sa Brgy. Rizal-Ibarra, Iloilo City ang biktima kaupod ang iban pa nga katapo sang Rainbow Ladies.
Ang biktima mismo ang nagamaneho sang motorsiklo angkas ang isa ka lalaki kag hana kun tani nga magliko sa Mapa St. sang nasalawid ang isa pa gid ka motorsiklo.
Sa interview sang Bombo Radyo kay Edgardo Selda, driver sang isa pa gid ka motorsiklo, iya ginpahayag nga halin siya sa Fort San Pedro kag papauli na sa Brgy. Boulevard, Molo, Iloilo City sang nabunggu-an sila sang motorsiklo nga ginamaneho sang biktima.
Ginpahayag ni Selda nga mahinay lamang ang iya pagmaneho sang motorsiklo.
