ILOILO CITY – Ginkadlawan lang ni Dra. Kristine Gaona Treñas, chairman sang Iloilo City Heritage and Conservation Council (ICHCC) ang pahayag ni Mayor Jose Espinosa III tuhoy sa gintukod nga children’s playground sa mga public plaza sang syudad.
Sa interview sang Bombo Radyo kay Dra. Treñas, iya ginpahayag nga wala man sang malain sa ginpahamtang nga mga playground apang ila lang nga ginkatingala kun nga-a wala nagpakig-angot si Mayor Espinosa.
Sa pagkamatuod suno kay Dra. Treñas, mismo si Mayor Espinosa ang nakahibalo sang pagsulundan kag sang katungdanan sang ICHHC bangud siya bilang alkalde ang kabahin sang nasambit nga talatapan.
Kun sadto suno kay Treñas, ultimo nga pag-ilis sang basketball board sa Molo Public Plaza ang ginpahibalo sa ila sang City Counil apang wala sila ginpahibalo nga may mga Children’s playground na nga ginpatukod sa mga public plaza sa syudad.
Samtang, gin-athag naman ni Dra. Treñas nga indi man ang ICHCC ang may katungdanan sa paghatag sang permit sa ukay-ukay vendors.
Sa pagkamatuod suno kay Dra. Treñas, ang ICHHC ang ginabug-usan sang mga empleyado sang nanari-sari nga departamento sa Iloilo City Government kag volunteers.
Ang ICHHC suno sa natungdan ang isa ka recommendatory body kag wala sang gahum sa pagdesisyon tuhoy sa pagpahamtang sang mga ukay-ukay stall sa mga public plaza.
