ILOILO CITY – Handa si Iloilo City Administrator Atty. Hernando Galvez nga atubangon ang kaso nga ipasaka batok sa iya tuhoy sa paggamit sang Calamity Fund sang syudad.
Ini matapos ang paandam ni Iloilo City Lone District Cong. Jerry Treñas nga pasakaan sang kaso si Galvez sa tion nga ubuson sa paggasto ang calamity fund nga nagalab-ot sa P125 million.
Sa interview sang Bombo Radyo kay Galvez, iya ginpahayag nga iya gid nga gina abi-abi ang anu man nga kaso nga ipasaka batok sa iya.
Ginpahayag ni Atty. Galvez nga bilang abogado, iya nahangpan ang iya trabaho kag handa siya nga depensahan ang iya kaugalingon.
