ILOILO CITY – Dakop sa ginpatigayun nga buy bust operation ang isa ka babayi sa Blk.10 lot 51 Brgy. San Isidro, Jaro, Iloilo City.
Ang arestado ang ginkilala nga si Maria Fe Tabunan, 47 anyos sang nasambit nga lugar.
Nakuha kay Tabunan ang isa ka heat sealed transparent sachet sang ginapatihan shabu, P1,000 nga buy bust money kag dugang nga 22 ka sachet sang ginapatihan shabu.
Igapaidalmon naman sa medical examination si Tabunan antes iga turn-over sa custodial facility sang Police Station 3 agud mapasakaan sang nagakaigo nga kaso.
Ang nasambit nga buybust operation ang ginpatigayon sang Regional Drug Enforcement Unit (RDEU) kag Station Drug Enforcement Team (SDET) sang Jaro Police Station.
