PASSI CITY, ILOILO – Yara na sa maayo nga kahimtangan ang tatlo ka mga biktima matapos nga naglapaw sa karsada kag nakabunggo sa lubi ang 10-wheeler truck sa Brgy. Asisig, San Enrique, Iloilo.
Ginkilala ang driver kay Bennie Defiesta, 40, sang Brgy. Tina, Dumarao, Capiz samtang ang mga sakay naman amo sanday Modesto Alfuente Jr., 51, kag Miller Keneth Ledesma, 19, lunsay sang nasambit nga lugar.
Suno kay Police Captain Rowena Hubero sang San Enrique Municipal Police Station, mechanical error ang gintunaan sang aksidente.
Ginapahayag nga naipit pa ang tiil ni Defiesta sa sulod sang truck samtang nag-angkon naman sang mga pilas sa lawas sanday Alfuente kag Ledesma.
