OTON, ILOILO – Nadakpan na ang suspek sa pagbuno-patay sa fish vendor sa Brgy. Poblacion South, Oton, Iloilo.
Ginkumpima ni Police Major Gervenson Moyo, hepe sang Oton Municipal Police Station nga nadakpan na ang suspek nga si Ivan Venusa, 19, sang Brgy. Santa Monica, Oton, Iloilo.
Nakilala si Venusa paagi sa CCTV footage sa lugar kag sa witness nga nakakita sa krimen.
Mismo ang suspek suno kay Moyo ang nag-ako sa pagbuno sa biktima nga si Gerald Esteral, 27, sang nasambit nga lugar.
Nagaguwa sa pagpangusisa nga tuyo sang suspek nga bun-on ang biktima nga iya pa nga ginbantayan sa dalan.
Ginapahayag nga ginhikap ni Esteral ang pribado nga bahin sang lawas sang live-in partner sang abyan ni Venusa nga gintunaan sang pagpangbuno-patay.
Ginpahayag dugang sang hepe nga hubog ang suspek sang natabo ang krimen apang ang insidente ang wala sang kaangtanan sa fraternity santo sa nauna nga impormasyon nga nakalab-ot sa otoridad.
Natukiban nga may yara na sang kaso nga attempted homicide sadto ang suspek.
