ILOILO CITY – May pahapyaw nga pahayag si Iloilo City Mayor Jose Espinosa III sa iya mga kasumpong sa pulitika nga masami nga nagapangakig.
Wala man direkta nga ginhingadlan ni Mayor Espinosa kun sin-o ang iya ginapabati bati-an sa tunga nanday Dr. Pacita Gonzalez kag Iloilo City Lone District Cong. Jerry Treñas apang halangpon ang iya ginbuy-an nga pahayag.
Sa interview sang Bombo Radyo kay Espinosa, iya ginpahayag nga ang ginapato-patu sa iya nga nagapangkakas kag nagapamahog sang government employee kag barangay officials ang indi niya buluhaton sa baylo, buluhaton ini sang iban nga pulitiko.
Ang nasambit nga pulitiko suno kay Espinosa ang madali nga mangakig kag wala sang may ginapili, babayi man ukon lalaki.
Mahimo suno kay Espinosa nga ang pagkapikon sang nasambit nga pulitiko ang tuga sang iya nga pag-inom sang nanari-sari nga bulong sa balati-an.
Ang mga bulong suno sa alkalde nga may yara sang opium content rason nga ang nasambit nga pulitiko ang makabig nga opium addict.
