Nagpabilin nga indi magkumento si former Iloilo City Mayor kag subong DILG Undersecretary for Public Safety Jed Patrick Mabilog angut sa iya posible nga pagdalagan sa 2028 elections.
Suno kay Mabilog, apat pa lang ka bulan halin sang gin-appoint siya sa DILG rason nga madamo pa siya sang dapat unahon nga responsibilidad lakip na paglibot sa 18 ka mga regions.
Ini agud nga sekyaron kag ipalab-ot ang mga programa sang DILG sa tanan nga Bureau of Jail Management and Penology (BJMP) kag Bureau of Fire Protection (BFP) sa bilog nga pungsod.
Pahayag niya, iya man ginatutukan ang awareness campaign para sa Unified 911 emergency hotline, amo man ang mensahe ni DILG Secretary Jonvic Remulla nga tapnaon ang corruption kag iligal nga droga.
Dugang pa ni Mabilgo, daku ang iya responsibilidad kag limitado ang tion rason nga dapat ipa-iway anay ang pulitika.
