Dugang nga pondo para sa modernisasyon sang Armed Forces of the Philippines (AFP) ang ipain sang United States kasunod sang pagsinapol nanday US Secretary of War Pete Hegseth kag Defense Secretary Gilberto Teodoro Jr. sa Cebu.
Kadungang ini sang 2026 ASEAN Defence Ministers’ Meeting (ADMM) kag ADMM-Plus.
Suno sa US Department of War, pataason sini ang pondo para sa security cooperation agud mapabaskog ang modernisasyon sang AFP kag mapabakod ang interoperability sang mga puwersa militar sang duwa ka pungsod.
Wala naman gindetalye sang US ang balor sang dugang nga pondo.
Nahisugtan man nanday Hegseth kag Teodoro nga maglunsar sang inisyatibo para sa modernisasyon sang command-and-control systems agud mapadasig ang koordinasyon sang operasyon sang mga puwersa nga militar sang duwa ka nasyon.
Gintalakay man ang pagpatuman sang Enhanced Defense Cooperation Agreement (EDCA), partikular ang pag-invest sa importante nga imprastraktura kag pasilidad nga butangan sang kagamitan kag equipment.
Nahibaluan nga may siyam nga EDCA sites ang Pilipinas.
