Ginkumpirma sang Department of National Defense (DND) nga si Philippine Army Commanding General Lt. Gen. Antonio Nafarrete ang magapungko bilang 61st chief sang Armed Forces of the Philippines (AFP).
Siya ang magabulos kay Gen. Romeo Brawner Jr. nga magabiya na sa posisyon matapos nakumpleto na ang tatlo ka tuig nga termino.
Patigayunon ang change of command ceremony subong nga adlaw sa Camp Aguinaldo sa Quezon City.
Matandaan nga sang tinalikdan nga bulan, nangin speaker pa si Nafarrete sa recognition ceremony sang West Visayas State University.
Naggradwar siya sa WVSU Integrated Laboratory School sang 1986.
Nagsulod siya sa Philippine Military Academy kag nagserbe sa nanuhay-tuhay nga leadership positions.
Gin-appoint siya bilang 67th Commanding General sang Philippine Army sang Hulyo 2025.
