ILOILO CITY – Gin-athag ni Iloilo City Mayor Jose Espinosa III nga wala niya ginapilit ukon ginapahog ang mga job hire sang Iloilo City Government agud lamang nga magtambong sa ila campaign rally.
Sa interview sang Bombo Radyo kay Mayor Espinosa, iya ginpahayag nga indi matuod nga iya nga ginapahog ukon ginapilit anag mga job hire para lang nga magtambong sa ila rally.
Sa pagkamatuod suno kay Espinosa, may yara sanga patigayunon nga campaign rally ang iya grupo buwas nga adlaw kag ginapili-an pa ang venue sini.
May maga-abot nga national candidate kag mga artista apang suno kay Espinosa, ang may luyag lang nga matambong ukon magtan-aw ang ila nga abi-abihon.
Gintawag man sang alkalde nga labutaw nga istorya ang pahayag sang iya mga kasumpong sa pulitika nga iya ginapilit anga mga job hire nga magtambong sa ila campaign rally.
