ESTANCIA, ILOILO– Ginhandaan na sang Estancia PNP ang pagtapna sang ginapahayag goons sa Estancia, Iloilo may kaangtanan sa May 13 midterm elections.
Sa interview sang Bombo Radyo kay Police Major Niño Leonard Amar, hepe Estancia Municipal Police Station, iya ginpahayag nga may yara na sila sang contingency plan kag yara na sa Iloilo Police Provincial Office (IPPO) ang plano.
May yara naman suno kay Amar nga temporary deployment sang Mobile Force Batallion kag mahimo nga may yara man sang augmentation gikan sa Philippine Army.
Sa subong, wala pa sang may narecord nga mga insidente nga naangot sa eleksyon.
Naka full-alert status naman ang PNP suno kay Amar samtang nagahilapit ang eleksyon.
Nahibaluan nga sang damlag lang, naghinabuyanay sang akusasyon ang kampo nanday Mayor Rene Cordero kag kasumpong nga si Melina Requinto may kaangtanan sa ginapahayag goons sang magtimbang nga kampo.
