ILOILO CITY – Naglab-ot sa 10,560 ka mga armas-luthang ang ginpakita sang Police Regional Office (PRO) 6 kay Philippine National Police (PNP) Chief Police General Oscar Albayalde.
Ang mga armas-luthang ang ginalakipan sang short kag long firearms nga nakumpiska sa Oplan Tokhang batok sa ginadumili-an nga armas.
Santo sa record sang PRO-6, 1,013 ka loose firearms ang nakumpiska sang Aklan Police Provincial Office, 1,684 sa Antique, 1,283 sa Capiz, 248 sa Guimaras, 740 sa Iloilo City, 3,109 sa Iloilo, 773 sa Bacolod kag 1,710 sa Negros Occidental.
Mismo si PRO-6 Director Police Brigadier General John Bulalacao ang nagpanguna sa pag abi-abi sa PNP Chief nga nagbisita sa syudad sang Iloilo kahapon nga adlaw.
Sakay sa PNP Chopper si Albayalde sang nag-abot sa Camp Martin Delgado sa syudad sang Iloilo sa diin kadungan sa ginpatigayon nga command conference, ginpakita ang accomplishment sang PRO-6 sa Oplan Tokhang batok sa ginadumili-an nga pusil.
Nahibalu-an nga bag-o pa man nagpadulong sa Iloilo, nagtambong anay sa graduation sang mga pulis nga nagpaidalom sa basic internal security operation course sa Jamindan, Capiz si Albayalde.
