ILOILO CITY – Ginpanugyanan ni Philippine National Police (PNP) Chief General Oscar Albayalde ang mga pulis nga magserbisyo sa publiko nga wala sang may ginapangayo nga kabaylo.
Sa mensahe ni Albayalde kadungan sang iya pagpadulong sa syudad sang Iloilo kahapon nga adlaw, ginpahayag sang PNP Chief nga dapat nga dapat makuntento ang mga pulis sa ‘accomodation’ nga ila maagom sa adlaw sang eleksyon.
Ginpahayag ni Albayalde nga kun may yara sang mahatag nga bulig ang Commission on Elections (COMELEC) ilabi na sa pagkaon, dapat nga makuntento lang ang mga pulis.
Kalaw-ay man suno sa PNP Chief nga sa bisan gamay lang nga problema sa delivery sang pagkaon, ila gid ireklamo ang tuhoy diri.
Nagakadapat nga tandaan sang mga pulis suno kay Albayalde nga ang nagapasweldo sa ila amo ang gobyerno.
