COMELEC, may pahanumdom sa publiko tuhoy sa palaabuton nga May 13 midterm elections

ILOILO – Gina-engganyo sang Commission on Elections (COMELEC) ang tanan nga magboto sa May 13 midterm elections.

Sa intrerview sang Bombo Radyo kay COMELEC-6 Regional Director Atty. Jose Nick Mendros, iya ginpahayag nga ang pagboto ang isa ka sagrado nga kinamatarong sang tanan nga tawo.

Sa adlaw sang May 13, ang mga polling precints ang magabukas 6:00 sang aga kag magatakop 6:00 sang hapon.

Mas makapaayo suno kay Mendros kun magpadulong sa polling precints sa mas temprano kag indi na paghulaton ang hapon sa pagboto.

Kadungan sini, nagpahanumdom man si Atty. Mendros tuhoy sa vote buying ukon pagpamakal sang boto.

Ginpahayag ni Mendros nga ginadumili-an ang vote buying apang nakadepende naman sa mga botante kun magpadala sa ginatanyag sang pulitiko.

Sa ulihi suno sa Regional Director ang mga pumuluyo man sa gihapon ang maga-agunto bangud sa sala nga pulitiko nga ginboto sa adlaw sang eleksyon.