ILOILO – Padayon ang reshuffling ukon balasahay sa ‘assigment’ sang police officers sa bug-os nga pungsod.
Sa exclusive interview sang Bombo Radyo kay Police Brigadier General John Bulalacao, Director sang Police Regional Office (PRO) 6, iya ginpahayag nga ang pagbag-o sang ‘assigment’ sang mga police officers ang may kaangtanan sa nagahilapit nga May 13 midterm elections.
Ginpahayag ni Bulalacao nga ang iban sa mga Chief of Police nga ginsaylo sa iban nga lugar ang nalakip sa mandatory relief.
Ang iban naman nga police officer suno sa Regional Director ang gin-relieve sa pwesto bangud nga may yara sila sang ginaapinan nga pulitiko nga nga hugot nga ginadumili-an sa Philippine National Police (PNP).
Lauman suno sa natungdan nga may yara pa sang mga police officer nga igasaylo sa iban nga lugar.
