ILOILO CITY – Nahitso na ang seguridad nga igapatuman sang Iloilo City Police Office (ICPO) para sa eleksyon sa Mayo 13, Lunes.
Suno kay ICPO Director Police Col. Martin Defensor, may mga personnel na nga gindeploy agud nga magbantay sa mga polling center.
Nagapakig-angot naman ang ICPO sa Commission on Elections (COMELEC) agud nga mabantayan ang kagamitan sa eleksyon sa ilabi na sa pagtransport sini halin sa warehouse padulong sa polling precints and vice versa.
Nakahanda naman ang K-9 Units kag Explosive and Ordnance Division (EOD) team sang ICPO nga magapatigayon sang inspection sa mga polling precincts sa Mayo 13.
