ILOILO CITY – Ginaduso sang grupo sang mga iloy ang baby wearing para sa maayo nga development sang lapsag.
Sa pagpaathag ni Sheilla Mae Guevarra-Lim, isa sa mga katapo sang Iloilo Baby Wearing Community, iya ginpahayag nga ang baby wearing ang isa ka paagi sa pagkarga sang lapsag gamit ang sling ukon carrier.
Sa ila bahin suno kay Lim, ginatib-ong gid sang ila grupo ang baby wearing bangud nga may yara ini sang health benefits sa iloy kag sa lapsag.
Santo sa mga pagpanalawsaw suno kay Lim, ang baby wearing gamit ang carrier, patadyong ukon tela ang makatuga sang skin-to-skin bonding sa tunga sang ginikanan kag lapsag ipanggid sa mga ginapahigda lang sa stroller.
Magluwas sa emotional kag physical benefits, ang mga lapsag nga ginpaagi sa baby wearing ang may magamay nga risgo nga mangin sutil sa ulihi bangud nga ila nga nabatyagan sang mas temprano ang pagpalangga sang ila ginikanan.
Ang mga iloy nga nagasunod sang baby wearing ang may yara sang mas madamu nga gatas ipanggid sa mga non-baby wearing mothers.
