CONCEPCION, ILOILO – Hagan-hagan ang report nga nabaton ang Concepcion PNP may kaangtanan sa ginapahayag ‘vote buying’ sa Concepcion, Iloilo.
Sa exclusive interview sang Bombo Radyo kay Police Major Jonah Galicha, hepe sang Concepcion Municipal Police Station, iya ginpahayag nga magluwas sa paghupot sang indi lisensyado nga armas-luthang kag explosive, may yara man sang mga nagpalab-ot sang reklamo tuhoy sa ginapahayag pagpamakal sang boto sang mga pulitiko.
Sa subong nga election period suno kay Galicha, mas gamay ang numero sang reklamo nga ila nabaton ipaanggid sa mga nakaligad nga eleksyon.
Sa Brgy. Bacjawan Norte suno sa hepe, may nagpa-blotter nga may yara sang ‘vote buying’ incidents apang wala naman sang may naaktuhan ang mga responding team.
Bukas naman ang Concepcion PNP agud nga magbaton sang reklamo tuhoy sa ‘vote buying’ kag mas maayo nga may yara sang igalakip nga mga pamatuod.
Police Major Jonah Galicha, Chief of Police, Concepcion Municipal Police Station
