DUMANGAS, ILOILO – Ginakabig ni re-electionist Mayor Ronaldo ‘Onal’ Golez nga bunga sang maayo nga panghimanwa ang nangin resulta sang eleksyon sa Dumangas, Iloilo.
Ini matapos nga nakakuha sang 22,470 nga boto si Golez sa Final and Official result sang pinili-ay sa pagka-alkalde sang nasambit nga banwa.
Sa interview sang Bombo Radyo kay Golez, iya ginpahayag nga tuman ang iya nga pagpasalamat sa pagsakdag kag pagboto sa iya sang mga pumuluyo.
Ginpasalamatan man ni Golez ang iya nangin kasumpong nga si Vice Mayor Ian Dolutan nga nangin ‘proffessional’ sa kabug-usan nga election period.
Magluwas diri, ginakabig man ni Golez nga ang 2019 midterm elections ang indi magarot ipaanggid sa mga nakaligad nga eleksyon.
Hugot naman nga ginabaton sang alkalde ang kalutusan sa gubernatorial race sang ka-partido nga si Iloilo 4th District Cong. Ferjenel Biron batok kay Iloilo 3rd District Cong. Arthur ‘Toto’ Defensor Jr.
Samtang, ginpasalamatan naman ni Mayor Golez ang promisa ni Defensor nga pasangkaron ang Port of Dumangas para sa kauswagan sang Dumangas, Iloilo.
Yari pamati-an ang nangin reaksyon ni Golez tuhoy sa iya liwat nga pagdaug bilang alkalde sang Dumangas, Iloilo:
Yari ang pahayag ni Mayor Golez sa kalutusan ni Cong. Biron batok kay Cong. Defensor:
Yari ang reaksyon ni Mayor Golez sa promisa ni Defensor:
