DUMANGAS, ILOILO – Nagapasalamat si Vice Mayor Elect Kato Marfito matapos nagpanguna sa Final and Official result sa pagka-bise alkalde sa Dumangas, Iloilo.
Santo sa resulta sang pinili-ay, si Marfito ang nakakuha sang 21,760 ka boto ipanggid sa kasumpong nga si SB Member Jing Divinagracia nga nakakuha sang 15, 065.
Sa interview sang Bombo Radyo kay Marfito, iya ginpahayag nga una sa listahan nga dapat niya pasalamatan amo ang Ginuo nga naghatag sa iya sang maayo nga ikaayong lawas sa pihak sang masako nga pagpangampanya.
Ginpasalamatan man ni Marfito ang iya mga ka-partido kag mga pumuluyo nga nagsalig kag nagboto sa iya bilang bise alkalde.
Ginpahayag man sang natungdan nga pamatuod sang iya maayo nga panghimanwa amo ang iya track record sa pulitika nga nag-umpisa sa Barangay Level tubtub nga nangin elected official sang nasambit nga banwa.
Samtang, naghatag man sang pahayag si Marfito sa pagkalutos sang iya ka-partido nga si Iloilo 4th District Cong. Ferjenel Biron kag ang kadalag-an ni Iloilo 3rd District Cong. Arthur ‘Toto’ Defensor Jr. sa gubernatorial race.
Nangin maunod naman ang mensahe sang Vice Mayor-elect sa mga pumuluyo sa nasambit nga banwa.
Yari pamati-an ang reaksyon ni Marfito sa iya kadalag-an bilang bise alkalde sang Dumangas, Iloilo.
Yari pamati-an ang pahayag ni Marfito kanday Biron kag Defensor:
Yari pamati-an ang nangin mensahe ni Marfito sa mga pumuluyo sang Dumangas, Iloilo:
