JANIUAY, ILOILO – Ginatahod ni Vice Mayor Jojo Lutero ang nangin resulta sang eleksyon sa pagka-alkalde sa Janiuay, Iloilo.
Ini matapos nga ginproklamar na sang Commission on Elections (COMELEC) si anay Mayor Frankie Locsin nga amo ang nagdaug sa pagka-alkalde sa nasambit nga banwa.
Sa interview sang Bombo Radyo kay Lutero, iya ginpahayag nga iya nga ginapasalamatan ang pumuluyo nga nagboto sa iya kag ginatahod ang desisyon sang pumuluyo nga paboran si Locsin.
Sa pihak sini, gin-athag ni Lutero nga indi pa ini ang katapusan sang iya political career.
Bisan nga indi na siya isa ka elected official sa nasambit nga banwa, apang magapadayon ang iya pagbulig sa mga pumuluyo.
Samtang, igatugyan na lang ni Lutero sa Commission on Elections (COMELEC) ang pagdesisyon tuhoy sa disqualification case ni Locsin matapos gindagdagan sang perpetual disqualififcation kag pagkapreso sang anum tubtub 10 ka tuig nga pagkapreso bangud sa kurapsyon.
Suno kay Luero, kinahanglan nga atubangon ni Locsin kun ano man ang padulungan sang iya kandidatura.
Yari pamati-an ang reaksyon ni Lutero sa iya kapaslawan sa pulitika:
Yari ang pahayag ni Lutero sa kandidatura ni Locsin.
