ILOILO CITY – Igatugyan na lang ni outgoing Iloilo City Mayor Jose Espinosa III kay Iloilo City Lone District Congressman kag Mayor-elect Jerry Treñas ang pag-usisa sa ginapahayag pagpangilkil nga nagakatabo sa Iloilo Terminal Market.
Sa interview sang Bombo Radyo kay Mayor Espinosa, iya ginpahayag nga indi na siya mag-intra sa imbestigasyon sa tion nga matapos na ang iya termino bilang alkalde sang syudad.
Nakadepende na suno kay Mayor Espinosa sa bilas nga si Cong. Treñas kun bala padayunon ang imbestigasyon agud mahibalu-an kun sanday sin-o gid man ang utok sa ginapahayag pagpangilkil sa mga manugbaligya sa nasambit nga merkado.
Nahibalu-an nga naulamid sanday Punong Barangay Noel Soliman sang Rizal Pala-Pala 2, Iloilo City kag Punong Barangay Allain Ray Depatillo sang Rizal Pala-Pala 1 sa ginapahayag extortion activities.
