ILOILO CITY – Bugal para kay Iloilo City Mayor-elect Jerry Treñas nga maimbitaran bilang isa sa mga dinapit nga bisita sa ika 17 nga Annual General Membership Meeting and Conference sang Cold Chain Association of the Philippines Inc. nga ginhiwat sa Iloilo Convention Center (ICC) sa syudad snag Iloilo.
Sa interview sang Bombo Radyo kay Treñas, iya ginpahayag nga tuman ang iya nga kalipay bangud sa kahigayunan nga ginhatag sa iya agud nga mangin special guest.
Ang nasambit nga aktibidad nga may tema nga Cold Chain Technology: Key to Food Loss/Waste Reduction ang ginsakdag sang USAID, USDA kag Global Cold Chain Alliance.
Ang nasambit nga organisasyon ang nagpromisa nga maga-invest sang madamu nga proyekto sa syudad sang Iloilo.
Kaupod sang natungdan nga nangin dinapit nga bisita amo ang pila ka mga opisyal sang kilala nga business company sa kalibutan.
