ILOILO CITY – Pilason ang isa ka indian national matapos nga nabunggu-an ang iya ginasakyan nga motorsiklo sang kasubong nga motorsiklo sa Commission Civil, Jaro, Iloilo City.
Ang biktima amo si Mandip Singh nga naka-angkon sang pilas sa tiil kag gasgas sa guya.
Ginpahayag sang natungdan nga hana na siya nga magliko sa nasambit nga lugar sang hinali lang siya nga ginbunggu-an sang motorsiklo nga madasig ang dalagan.
Nagpamalibad naman ang biktima nga maghatag sang dugang nga pahayag apang suno sa iya, kumpleto man siya sa dukomento kag may yara man sang driver’s license.
