PAVIA, ILOILO – Isa ka lalaki ang nakuryente sa Brgy. Pandac, Pavia, Iloilo.
Sa interview sang Bombo Radyo kay Brgy. Kagawad Russel Jornadal sang nasambit nga lugar, iya ginpahayag nga ang nasambit nga lalaki ang ginrespondihan na sang emergency response team.
Ginpahayag ni Jornadal nga bag-o pa man natabo ang insidente subong nga aga, may yara sang mga nagakaayo ukon nagatakod sang linya sang kuryente sa poste malapit sa atubang sang Parc Regency Subdivision.
Masobra sa isa ka oras ang nakaligad, nakibot na lang ang mga tawo sa nasambit nga lugar nga may naglagpok sa atop sang isa ka balay.
Ginpahayag man sang natungdan nga sunog ang guya sang biktima nga ginkilala kay John Rey Aldwin sang Leyte.
Magluwas sa emergency response team, nagresponde man ang Philippine National Police (PNP).
Yara naman sa estable nga kondisyon ang biktima.
