ILOILO CITY – Todo panginwala ang isa ka bodegero matapos madakpan sa buy bust operation sa Molo, Iloilo City.
Ang restado amo si Elizer Cias, 34, sang Zone 2, Brgy. San Juan, Molo, Iloilo City kag nagpakilala nga bodegero ni Punong Barangay Pascual ‘Sipil’ Espinosa.
Sa exclusive interview sang Bombo Radyo kay Cias, iya ginpahayag nga indi iya ang mga nakuha nga apat ka sachet sang suspected shabu kag buy bust money nga nagabalor sang P1,100.
Ginpahayag ni Cias nga iya ginkakibot sang gindakop siya sang mga pulis.
Ginpahayag sang natungdan nga masarangan niya nga masaguran ang iya tatlo ka anak kag tiayon paagi sa iya sweldo bilang bodegero kag indi na niya kinahanglan pa nga magbaligya sang illegal drugs.
Ginpanginwala man sang natungdan nga wala siya nagagamit ukon nagabaligya sang illegal drugs kag set-up lamang ang tanan.
