ILOILOCITY – Dakop ang isa ka drug personality sa buybust operation sa Zone 2, Rizal Estanzuela, Iloilo City.
Ang subject sang buy bust operation amo si John Russel Barameda Ypulong, 22, sang Brgy. Ma. Clara, Iloilo City kag manugpasaka sang baboy.
Sa interview sang Bombo Radyo kay Ypulong, iya ginpahayag nga madugay na siya nga nag-untat sa paggamit sang illegal drugs.
Sa pagkamatuod suno kay Ypulong, ginhatag lamang sang iya abyan nga si certain Tolindoy ang illegal drugs kag ang .38 calber pistol sa iya.
Ginpahayag man sang natungdan nga una pa nga nagpalagyo ang iya abyan agud nga indi madakpan sang otoridad.
Samtang, suno naman kay Police Lieutenant Jersey Besas, pinuno sang Regional Durg Enforcement Unit (RDEU), madugay na nga gina-monitor si Ypulong apang subong lang nadakpan.
Santo sa pagpangusia, naghalin sa Bacolod City ang supply sang illegal drugs nga ginabaligya ni Ypulong.
Magluwas diri, gintuyo pa sang arestado nga magbato paagi sa pagpalupok sang armas-luthang.
Lakip sa mga recoveries amo ang 15 ka sachets sang suspected shabu kag P5,000 nga buybust money.
