ILOILO CITY – Wala napaidalom sa mandatory alcohol and chemical testing ang driver sang Mazda MX5 sports car nga si June Paul Valencia nga amo ang nakabunggo-patay sa mag-asawa nga school principal kag manunudlo sa Sen. Benigno Aquino Jr. Avenue, Mandurriao, Iloilo City.
Sa interview sang Bombo Radyo kay Police Staff Sergeant Rey Amihan, imbestigador sang Mandurriao Police Station, iya ginpahayag nga wala napaidalom sa mandatory alcohol and chemical testing si Valencia bangud nga wala sang may magamit nga breath analyzer.
Magluwas diri, ginpahayag ni Amihan nga wala sang clearance gikan sa Land Transportation Office (LTO) kag wala man sila nakapaidalom sa training agud nga magpatigayon sang mandatory alcohol and chemical testing.
Magluwas diri, ginpahayag man sang imbestigador nga ang Republic Act 10586 ukon Anti-Drunk and Drugged Driving Act ang wala napatuman sang husto sang LTO.
