DUEÑAS, ILOILO – Daan nga hiligut-anon ang isa sa ginasundan nga motibo sa pagluthang-patay sa isa ka habal-habal driver sa Brgy. Cabudian, Dueñas, Iloilo.
Ang biktima amo si Alquin Lama, 38, sang Brgy. Jaguimit sang nasambit nga banwa.
Sa interview sang Bombo Radyo kay Police Captain Samuel Vipinosa, hepe sang Dueñas Municipal Police Station, iya ginpahayag nga nakita sa kuha sang Closed Circuit Television (CCTV) camera nga ginsundan sang tatlo ka mga armado nga lalaki si Lama.
Ang mga wala makilala nga mga suspek ang nakasuksuk sang itom nga jacket kag naka-sapatos.
Santo sa pagpangusisa, naulamid sadto sa isa ka murder case si Lama kag nasilutan sang 10 ka tuig nga pagkapreso apang may yara sang areglohanay nga natabo.
