Ginpasalamatan ni outgoing 2nd district Board Member Liecel Mondejar-Seville ang ginhatag sa iya nga oportunidad agud mangin produktibo nga miembro sang Sangguniang Panlalawigan sang Iloilo.
Sa iya farewell speech, ginpahayag ni Seville nga nahimo niya sa Sangguniang Panlalawigan ang wala niya nahimo sadto bilang alkalde sang New Lucena.
Suno kay Seville, nakahimo siya sang mga ordinansa kag resolusyon nga nakahatag saang benepisyo sa mga pumuluyo sang probinsya.
Ginpadayaw sang opisyal nga sa iya pagpangalagad bilang board member, 16 ka mga ordinansa ang iya gin-author kag gin-sponsor.
Ini nga mga eksperyensya suno sa natungdan ang nagpauswag pa gid sang iya political career kag nagbulig sa iya agud mangin mas maayo nga public servant.
Nahibaluan nga si Seville ang magapadayon sa gihapon sa pulitika bilang incoming Mayor sang banwa sang New Lucena matapos ginpierde si outgoing Mayor Christian Sorongon.
