BANATE, ILOILO – Patay ang duha ka bulan nga lapsag nga lalaki nga ginapahayag ginkagat sang iwi-iwi sa Banate, Iloilo.
Sa interview sang Bombo Radyo kay Police Captain Genesis Roque, hepe sang Banate Municipal Police Station, iya ginpahayag nga ginbawi-an sang kabuhi ang lapsag matapos ginkagat sang iwi-iwi ukon scorpion, santo sa panaysayon sang pamilya.
Santo sa imbestigasyon, ginpahayag ni Roque nga may yara sang pilas sa lawas ang lapsag.
Mahimo nga ang mga pilas sang lapsag ang tuga sang pagkadagdag, pagkalampos ukon napintalan sang mabudg-at nga butang.
Naka-angkon man ang biktima sang lagob, may dugo sa baba kag ilong sang gindala sa ospital.
Bag-o pa man natabo ang insidente, hubog nga nagpauli sa balay ang amay sang biktima.
Nagpamalibad naman ang pamilya nga ipaidalom sa autopsy examination ang bangkay sang lapsag.
