ILOILO CITY – Yara na sa estable nga kondisyon ang indi magnubo sa 10 ka mga sakay sang depampasahero nga jeep nga nakabunggo sa center island sa Brgy. Tabuc Suba, Jaro, Iloilo City.
Isa ang patay samtang 11 naman ang pilason matapos nga nakabunggo ang depampasahero nga jeep sa center island sa Brgy. Tabuc Suba, Jaro, Iloilo City
Sa interview sang Bombo Radyo kay Police Staff Sergeant Lougen Alarcon, traffic investigator sang Jaro Police Station, iya ginpahayag nga hinali lang nga nag-usmod ang unahan nga bahin sang jeep kag nagdiretso sa center island sanag nakalampas sa taytay.
Ginapahayag nga madasig ang pagmaneho sang depampasahero nga jeep nga may biyahe nga Leganes-Lapaz, sang natabo ang aksidente.
Wala sang pangalibutan ang driver nga ginkilala kay Arlie Susal, 59, sang Brgy. Balantang, Jaro, Iloilo City sang gindala sa hospital matapos naipit sa sulod sang salakyan.
Wala na matabangan pa ang driver nga ginkilala kay Arlie Susal, 59, sang Brgy. Balantang, Jaro, Iloilo City matapos naipit sa sulod sang salakyan.
Naka-angkon naman sang mga pilas sa lawas ang 11 ka mga pasahero sang depampasahero nga jeep samtang ginadudahan nga naka-angkon sang bali ang isa sa mga sakay.
