Nagkalain-lain nga features ang may yara sa first premium point-to-point bus services sa Western Visayas.
Sa interview sang Bombo Radyo kay Richard Osmeña, Regional Director sang Land Transportation Franchising and Regulatory Board-6, iya ginpahayag nga may yara sang television, WiFi, prioritized seats para sa mga Persons With Disability kag mahimo nga maka charge sang cellphone sa sulod sang modernized bus.
Suno kay Osmeña, magaserbe nga main hub ang Iloilo Business Park, Mandurriao Iloilo City sa diin may yara sang kabug-osan nga 106 ka mga P2P buses nga may auto-pay system.
Ang mga ruta sang bus amo ang mga masunod;
-Iloilo Business Park padulong sa Iloilo Airport vice versa
-Iloilo Business Park padulong sa Roxas Airport vice versa
-Iloilo Business Park padulong sa Kalibo Aiport vice versa
-Iloilo Business Park padulong sa Caticlan Airport vice versa
Paathag ni Osmeña, ang P2P bus ang indi mahimo nga makakuha kag makapapanaog sang mga pasahero samtang nagapadulong sa tagsa ka ruta.
Samtang ang mga terminal naman ang may yara sang traveler’s lounge nga airconditioned, may shower rooms kag toilets para sa mga pasahero.
