Nagakabalaka ang mga residente sang Kawit, Cavite sa pagpatindog sang bag-o nga sentro sang operasyon sang mga Philippine Offshore gaming operations sa lugar bangud sa ginalauman pagdagsa sang mga foreign workers.
Ginalauman nga magahatag sang masobra ka 50,000 nga ubra para sa mga Chinese kag iban pa nga mga foreign nationals ang Philippine Amusement and Gaming Corporation sa pasilidad nga pagatawgon PAGCOR POGO Hub Covelandia.
Ini ang ginakabalak-an sang mga Pilipino bangud posible nga hindi sila mahatagan sang trabaho sa nasambit nga kompanya bangud ini ang maga kuha lang sang mga foreign workers sa rason nga yara sa iban nga pungsod ang mangin operasyon sini.
Ginklaro naman ni Andrea Domingo, presidente kag CEO sang PAGCOR nga may yara sang ubra nga ihatag sang POGO nga ‘high end’ para sa mga Pilipino kaangay sang supervising positions.
Dugang pa nya P700 milyon ang ginapasulod nga kwarta sang online gaming sa pungsod kada bulan.
Nahibaluan nga gin-umpisahan ang pagpatindog sang nasambit nga establisyemento sang 2018 kag magadugay ini sang 5 ka tuig.
