Gin-ako na ni Davao City assessor Engr. Jaime Adalin sa pagpamangkot ni Senator-Judge Raffy Tulfo nga nagbyahe siya padulong sa China sang nagligad nga tuig.
Ini matapos ginpahanumdom sa iya ni Tulfo nga nagpanumpa siya sa impeachment court bilang witness sang defense.
“January 25, 2026, saan ka byumahe?” pamangkot ni Tulfo.
“Actually, pina-confirm ko po sa opisina, indeed, nag-travel po kami sa China,” sabat sang witness.
“November 12, 2018, saan ka nagbyahe?” dugang nga pamangkot sang senator-judge.
“Parang wala po akong record nung November 12,” panindugan ni Adalin.
Ginkumpronta naman siya ni Tulfo kaangot sa nahibaluan sini nga CCTV footage.
“Gusto mo pati CCTV footage kaya ko ibigay sa’yo. November 12, 2018, PR356 China. At two days ka lang sa China. At ang dami mong byahe, Engr. Meron kang Hong Kong, meron kang Thailand, meron kang Australia,” pahayag sang senator-judge. “Hindi kita nilalait ha, pero magkano ba ang sweldo mo para ikaw ay palaging nag-aabroad?”
“Ang sweldo po ng department head isa sa buwan, P120k, something like that,” sabat ni Adalin.
Kaina sang aga, sa cross-examination sang prosecution, nagapanindugan si Adalin nga indi siya makadumdom kun naka-upod siya sa China-sponsored tour sang nagligad nga tuig.
Nabukaran ini nga isyu sang ginsiling sang prosecution nga paagi ini agud matakos nila ang credibility sang witness ilabi na bangud suno kay Atty. Jay Tolosa nga “evasive” ini ukon nagalikaw sa pagsabat sang mga pamangkot sa cross-examination.#
