Pilason ang duwa ka mga estudyante matapos ginbuno sang kaangay man nila nga estudyante sa magkatuhay nga eskwelahan sa Davao City kag San Pablo City.
Sa Davao City, isa ka 11-anyos nga Grade 5 student ang biktima samtang ang suspek nagaedad sang 13-anyos nga yara man sa pareho nga Grade.
Ginpahayag nga nagasuprir sang depresyon ang suspek bangud sa problema sa pamilya.
Pilas sa likod ang naangkon sang biktima nga madasig man nga gindala sa ospital.
Samtang sa San Pablo City sa Laguna, ang biktima isa ka 12-anyos nga Grade 7 student nga ginbuno sa liog sang iya classmate.
Bag-o ang insidente, ginhagad pa sang 12-anyos nga suspek ang biktima pakadto sa likod sang eskwelahan apang hinali lang niya ini nga ginbuno.
Natigayon naman nga maaresto ang mga suspek.
