PAVIA, ILOILO – Anum ka pilas tuga sang pagkalampos ang ginkamatay sang assistant manager sang isa ka fast food chain nga ginpatay sa sulod sang ila balay sa Gonzaga St., Purok 4, Pavia, Iloilo.
Ini ang kasunod sang ginpatigayon nga autopsy examination sa bangkay sang biktima nga si Eira Jane Fabiaña, 22 anyos sang nasambit nga lugar.
Sa inteview sang Bombo Radyo kay Police Major Fernand Limbungan, hepe sang Pavia Municipal Police Station, iya ginpahayag nga ginlampusan sang matig-a nga bagay ang ulo sang biktima kag wala sanga patimaan nga ginhimuslan ang biktima.
Mahimo suno kay Limbungan nga diversionary tactics lang sang suspek nga pagguwa-on nga ginhimuslan ang biktima agud nga patalangon ang imbestigasyon sang otoridad.
Mahimo suno kay Limbungan nga gintuyo sang suspek nga patyon gid si Fabiaña.
Wala man ginadula sang hepe ang posibilidad nga mahimo nga gintuyo man sang suspek nga himuslan ang biktima.
Ginapaligban sa subong sang otoridad kun paano nakasulod sa balay ang suspek nga wala sang forcible entry bisan nga nakakandado man ang balay.
Magluwas diri, wala man sang may nakita nga tapak sang tiil sa palibot bisan pa nga nag-ulan sang gabi- bag-o natabo natabo ang krimen kag wala man nakataghol ang ido nga patimaan nga may yara sang pangayaw nga tawo sa palibot sang balay.
