ILOILO CITY – Fake news ang nagalapta nga impormasyon nga nagpositibo sa drug test ang manunudlo nga nadakpan sa buy bust operation sa Brgy. Sta Cruz, Arevalo, Iloilo City.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya gin-athag nga wala nagpositibo sa drug test si Jonaseth Aguirre, elementary teacher sa A. Mirasol Memorial School sa Q. Abeto Mandurriao, Iloilo City.
kay Valencia, nakuhaan sang 11 ka sachet sang suspected shabu si Aguirre.
Magluwas diri, nakuha man kay Aguirre ang P5,000 nga buy bust money.
Bag-o pa man nadakpan si Aguirre, nauna na nga nadakpan ang iya ka live-in partner bangud man sa pagbaligya sang illegal drugs.
Samtang, suno naman kay Mila Engalgado, principal sang nasambit nga buluthu-an, iya ginpahayag nga maayo ang performance ni Aguirre bilang elementary teacher.
Suno kay Engalgado, iya nakitaan sang leadership skills kag sense of humor si Aguirre.
Sa pihak sini, ginpahayag ni Engalgado nga pagkatapos sang trabaho, wala naman siya sang ihibalo sa personal nga pagpangabuhi sang arestado nga manunudlo.
