ILOILO CITY– Hatagan sang bag-o nga pwesto ang mga manugbaligya sa Iloilo Terminal Market nga nadula sa ginpatigayon nga Oplan Hawan sang Iloilo City Government.
Ini ang kasunod sa mandu ni Presidente Rodrigo Duterte nga pagpanghawan sa mga dalano sa bilog nga pungsod.
Sa interview sang Bombo Radyo kay Maria Pad Eclarinal, vice president sang Vendors Association sa Iloilo Terminal Market, iya ginpahayag nga hatagan sang bag-o nga mga pwesto nga yara na sa insakto nga lugar ang mga manugbaligya nga nadala sang Oplan Hawan agud indi sila madulaan sang palangabuhian.
Samtang, ginmultahan naman sang City Environmental and Natural Resources Office ang mga manugbaligya ilabi na sa fish section sang Iloilo Terminal Market bangud sa nagalinapta nga higko halin sa ila nga pwesto.
