ILOILO CITY – Wala sang record nga naulamid kinagamo sa barangay ang napatay nga call center agent sa shooting incident sa Brgy. Taft North, Mandurriao, Iloilo City.
Ini ang pagkilala sang mga Brgy. Official sang Cuartero sa distrito sang Jaro sa biktima nga si Mark Muller, 38.
Sa interview sang Bombo Radyo kay Brgy. Kagawad Julio Roldan, iya ginpahayag nga sang tuig 2017, nangin drug surrenderee si Muller.
Suno kay Rolda, indi man makita nga nagatambay sa ila barangay si Muller bangud sa kasakuon sa trabaho bilang call center agent.
Makita lang si Muller nga nagalagaw sa tion nga magbakal sang sigarilyo kag iban pa niya nga mga kinahanglanon.
Samtang, suno naman kay Brgy. Kagawad Eugene Demonteverde, trabaho, pauli kag tulog ang adlaw-adlaw nga routine ni Muller.
Pahayag pa ni Demonteverde nga matuod nga drug surrenderee ang biktima bangud siya mismo ang nagpasungka kay Muller sa Jaro Police Station sang tuig 2017.
Wala nagpaidalom sa rehabilitation si Muller suno kay Demonteverde bangud nga nagbag-o naman ang drug surrenderee.
Sang una suno sa natungdan may nakalive-in ang biktima kag may isa ka bata.
Wala man naangot suno sa natungdan sa kun ano nga ginamo sa ila barangay ang biktima.
